عايزه وشك زي القمر؟ تعالي ورايا

محدش يقدر ينكر ان مستحضرات التجميل العالميه المتخصصه للبشره
مفيده وفعلا بتحارب علامات تقدم السن بس اسعارها كمان تقدم الضغط والقلب والسكر

يعنى لما اسأل على كريم بوندس الاحمر والاقيه
ب1200 ج صناعه فرنسيه واققل حاجه الكوبى التايلندى 550 ج

يبقى بجد يعني دا 50 ملى يعنى كبيره شهر ونص

فنرجع بقى لنصاحه البنت المصريه الغنيه عن التعريف طبعا

تعالى يا عم انت فيك ايه مخليك بالفلوس دى كلها يخرب بيتك
تلاقى Antioxidants
مضادات اكسده مضادات اكسده مضادات اكسده

طب ما جنين القمح مضادات اكسده
وزيت اللوز مضادات اكسده
وفيتامين E اساس المضادات كلها

بلا بوندس بلا كلام فاضى خد من عبدالله واتكل على الله

حنعمل كريم ليل للعين محارب لتجاعيد العين وبيفتح الهالات ويرطب كمان

حنجيب خيارايه ماشى ركزى معايا عشان ده التاتش المصرى
.... فاكره زمان لما ماما كانت تعمل اكله محشى ... سيبك من المحشى ركزى معايا
بتنجان تحديدا وكنا نقعد جنبها ندعك فيه كده على الترابيزه عشان تبقى طريه وتعرف ماما تأورها معرفش انا بس ال امى كانت بتستهبلنى ولا ايه
بس عموما انا عوزاكى تمسكى الخيارايه تهريها فرك وخبط لحد ما تبقى مايه وتجيبى طبق وتكسريها بايدك حتنزل كل مايتها
هى دى مايه الخيار بيوووور من غير بشر وهرس وتصفيه وحسوكه ملهاش لازمه

نفس الطبق حتجيبى سرنجه 5سم وتخدى بيها 5سم زيت جنين قمح
و5 سم زيت لوز و5 كبسولات فيتامين E و اغلطلى كويس
لو عوزاهم كده تمام فى علبه وفى التلاجه وابقى روجيها قبل الاستعمال

عوزها كريم اضربيها فى الميكسر مش الخلاط ميكسر عوزها كريم تقيل زودى بيز
يعنى قاعده كريميه وده بالفازلين نص معلقه كبيره واضربى بذمه

بقى عندك كريم عين محارب للتجاعيد مضاد للاكسده
ومتنسيش تحطيه فى علبه حمرا اوماااااااااااال !!
هو بوندس احسن مننا